Ngāti Kahungunu tipuna speaks through digital archives

Talisa Kupenga

He uri nā tētahi rangatira o Kahungunu kei te whai māramatanga ki ngā whāinga a tōna tipuna mō Ahuriri, i ngā Niupepa Māori ō-mua kei te hora ki te ipurangi. He kai-rangahau a Matt Mullany nō te whakatipuranga tuaono a Tareha Te Moananui. Ko tāna, he huke kōrero mō te tū a tōna tipuna i te Pakanga o Ōmarunui me te hītori o Ahuriri.

Katahi tenei uri no Ngāti Kahungunu kua whai mārama ki nga whakaaro o tona tipuna ki te Pakanga i te hauhau ki Ōmarunui e kotahi rau rima tekau tau ki muri.

E ai kit e kairangahau a Matthew Mullany, "I kite au i tetahi tuhinga niupepa i tuhia te tuhinga e Tareha. Ko te kaupapa ko te mahi a te hauhau i Ahuriri."

Ko tā Mullany i te whakarite a Tareha me etahi Rangatira o te rohe ki te whakangungu i te roopu Pai Marire e tau mai ana i Te Haroto.

"I arahi ia i te ope Māori ki te pakanga i Ōmarunui, i pirangi ia i te maungarongo ki te rohe."

Tata ki te kotahi tau te kaupapa Niupepa Māori e tū ana ki te ipurangi, na te mahi ngātahi o Te Puna Mātauranga o Aotearoa me Te Whare Wananga o Waikato.

Hei tā te kaitiaki rauemi Māori a Paul Diamond, "I ngā rā o mua ehara i te mahi māmā ki te mahi rangahau i ēnei nupepa. Me haere ki  ēnei momo whare ki te tirotiro ki te pānui ki ēnei nupepa. Inaianei ma ēnei pae tukutuku. ka taea nga whanaunga nga mokopuna ki te kite ki te pānui i nga tuhinga i ngā kōrero i ngā ohaki me ki o nga tipuna i te wā o nehe rā."

Ka tū te rā whakamaumahara kotahi rau rima tekau mo tēnei pakanga hei te Whiringa-a-nuku, ko tā Mullany he wā tēnei e whakamahara ana i nga tipuna i whawhai ki Ōmarunui ahakoa no tēhea taha, he wāhanga tō ratou katoa ki te hitori o Aotearoa.