Pīata mai i ngā rangi ko Hotu i a Rākaunui e kainamu mai ana

I whai kitenga ngā mōtoi whetū ki tētahi marama nunui inapō, ā, e ai ki te maramataka Māori ko Hotu te ingoa o taua marama, koirā te wā i mua i tāna tata atu ki te whenua.

Ōturu ana te marama ināpō he wā e eke tata atu ai ia ki a Papatūānuku.  Tērā te pūahoaho o te marama ināpō, he tekau ōrau kaha ake i ōnānoa nei.

Nō reira, he aha tana tohu ki a Ngāi mātai whetū a te pō nei, i mua i te aonga mai o Rākaunui?

Hei tā Reti Wharekura, “E kī ai ki a rātou , ko te marama o Tākeo, ko te marama o Tākeo, ko tana mahi , he tango mai te mana o hōtoke, ka hoatu ki a koanga.”

E ai ki a Reti Wharekura a te pō nei ka ara ake a Rākaunui, ā, i ngā wā ō-mua he tohu tēnei ka eke te marama ki tōna rahinga, ā, ko te kaimoana te tino kai.

I tēnei pō, kite ai koe i a Rākaunui.