Kei te pātai Te Kaunihera o Tūranga Nui ā Kiwa mehemea kei te tautoko te hapori i te karanga, kia hono atu te ingoa Turanga Nui a Kiwa ki te ingoa Poverty Bay. Kia whakaaetia, ka whakamanahia ōkawatia e te Kāwanatanga, ngā ratonga whakahaere me ngā mahere whenua anō hoki. Heoi, kāre te katoa i te tautoko.
Tūranga Nui ā Kiwa, Poverty Bay rānei. Koia te pātai kei te whiua ki te hapori o Turanganui a Kiwa, arā, kia whakamana i ngā ingoa e rua.
Ko tā te Kaikaunihera a Malcolm MacLean, “I've spoken to a person that's very deep in the history in the Gisborne area and he's informed me that Poverty Bay was named first.”
Engari ko tā te Kaitohutohu Whanaungatanga o te Kaunihera o Turanganui a Kiwa a Keita Kohere, nō mua kē te ingoa o Turanganui a Kiwa, ā, kei te mōhiotia whānuitia ki tērā takiwā.
“Ko ngā ingoa e rua hei hāpai hei tautoko i ngā hītori me ngā reo e rua o tēnei takiwā.”
Nā Kāpene Kuki te ingoa Poverty Bay i tuku i ana haere i ngā tau 1769, arā ko tana whakatau, kāre tahi he painga ki a ia ko tōna ope. Heoi te ingoa Tūranganui a Kiwa e tohu ana i te wāhi rangatira i tū ai a Kiwa.
Hei tā te Tumuaki ki Te Kura o Kaiti a Billie-Jean Potaka Ayton, “We're not poor, we've got our reo, we have our land we have our land, we have our whanau, we have our community, for us as Maori that's what makes us feel rich, and Poverty Bay doesn't reflect that for us as a community.”
Nō te tau 2013 ngā tamariki o Te Kura o Kaiti te petihana i tuku atu ki te kaunihera, he 2,500 ngā waitohu e tautoko ana i te karanga kia whakamanita ā-ture nei te ingoa taketake.
Koia ko tā ko Potaka Ayton, “They (the students) thought that original name better reflected who they are as Māori and so they thought what can we do about it.”
Heoi anō tāMacLean, “There are more people in Poverty Bay than there just in one a school, and I think we've got to take everybody's thoughts into perspective and the people I speak to and the people that contact me say stay steadfast and stick with the name Poverty Bay.”
Nā reira, kia whakamanahia, ko tēhea te ingoa ka tū mātāmua?
Ko tā MacLean, “Look I've got a flexible mind but at this stage if it's a double barrel, Poverty Bay - Turanganui a Kiwa.”
Hei tā Potaka Ayton, “Turanganui a Kiwa needs to be the first name, it is the original name, Poverty Bay can be second.”
Ka tarea te hunga tūmatanui te tuku whakaaro ki te whārangi ipurangi, ki ngā tari kaunihera rānei, hei te iwa o Pepuere kati ai. Kātahi ka tukuna mā te Poari Taiao o Aotearoa te whakatau.