Heta Gardiner

Neke atu i te ono tau a Heta Gardiner e whaiwhai pūrongo ana.  I tau tuatahi ana waewae ki te tari pāpāho o Te Karere ki roto o Tāmaki Makaurau, i te tau 2009.  Tōmuri mai, ka whai haere mai, ko tana hūnuku atu ki Ūropi, hei kaikawe korero ki taua taiwhanga, tae noa ki te tau 2013.  I tana hokinga mai, ka tau mai māna te tūranga, kaikawe kōrero mō Te Karere ki Pōneke.

Ko te ao pāpāho te kai o Heta , mai atu i te tau 2007, ā, i aua tau, kua mau atu ia i ngā tūranga maha.  Hei āpiti atu ki āna mahi mō Te Karere, i whaiwhai pūrongo hoki ia mō CODE ki runga i a Whakaata Māori, Marae, me One News.

E kaingākau nui ana tēnei uri nō Te Arawa, Ngāi Te Rangi me Ngāti Ranginui ki ngā hākinakina, engari ko ngā kaupapa e tino titia nei ki te whatumanawa, ko te ao tōrangapū, me te orangatonutanga o te reo Māori.

Stay up to date with TeAoMāori.News

Sign up now for the latest news from around the Motu & Te Ao Māori direct to your inbox