Reo advocate - Tauranga Moana united will be more effective for te reo

Heta Gardiner

Mā te mahi tahi ka whai hua ngā iwi. Koinā tā Awanuiarangi Black, waha kōrero o Te Moana o Tauranga. Me te aha, kei te whakahaua e ia tēnei rautaki hei painga mō te ture reo Māori hōu me ngā whakahaere o Te Mātāwai.

Te karanga a Black, he kanohi kitea ki roto o Te Moana o Tauranga ki a ngāi Māori.

“Ko te whakaaro ra ia, kia tāwharautia a Mataatua me ngā waka o Tainui, o Takitimu, o Te Arawa.”

Kei runga ia i te poari o Te Taura Whiri, a ko tāna, me mahi tahi ngā torotoronga o Mataatua me ana kiritata, kia tika te hoe o te waka mo te reo Māori.

“E pā ana tuatahi ki te kaupapa o te Mātāwai. Kei te hui atu mātau i te 28 o tēnei marama ki te kōrero mō tēnei take.”

Ehara i te mea ko te reo noa ka whai hua mena ka reo Kotahi te Māori. I whakawhirinaki atu hoki ia ki te hunga kainga kore, me ngā hua ka puta mō rātau, ki te mahi tahi ngā iwi.

“Ko te kupu pea a Kingi Tawhio, kakahao kotahi a whati, ki te kapuia e kore.”

Engari he mōhio hoki nō Awanuiarangi, ko te mahi te whakakotahi i ngā iwi whānui ngā iwi e pātata ana ki tō rohe, he whai taumaha.

“Ki atu au ehara i te mahi mama!”

Kua tohua kē ngā mema o Te Mātāwai mō Te Arawa, Mātātua me Te Taitokerau, nōreira, he tuitui taura ka tāea rā te kōkiri wawetia. Me te Manako o Awanuiarangi, ka pērā.