Rere tonu ana ngā mahi toi a Tame Iti hakoa ngā amuamu a ētahi

Kei te rere tonu te rākau kōwaiwai a Tame Iti ki ngā pakitara o te taone o Tāneatua. He amuamu i puta mō āna mahinga toi whai muri i tana tā i ngā pouaka a Poutāpeta Aotearoa i te taone i tēnei tau, heoi ahakoa tērā, kei te whakawhānuitia na mahinga toi ki wāhi kē o te taone.

Hei tā Iti (Ngāi Tūhoe), “Ko te nuinga o ngā tāngata kei te kōrero mai i ahau, pai kē i a rātou, karekau noa iho o rātou raruraru peita hia te papa, te pakitara, mahi ahau aku i reira.”

Ki tā ngā pirihimana kāre anō kia tae atu he amuamu, engari i kōrero tahi te pirihimana, Tame Iti me te kaipupuri o te whare mo te mahi nei.  Engari kāre ia i te paku aro atu, e haere tonu ana āna mahi peita.

Hei tā Iti, ko ana mahinga toi e whakaatu ana i ōna herenga ki a Tūhoe, ka kite koe i tērā wairua ki roto i tēnei mahinga toi ka noho hei tuapapa mo ngā mahi ka hua ake a muri nei.

Hei tāna, “Ko te tino pūtake o tēnei whakaaro ki te hiki i te wairua o Taneatua, ko to tātau nei tipuna, ko te hiki i te wairua pēhea te anga whakamua a Tūhoe."

Hei tā Tame Iti ka timata tana mahinga hōu hei tērā Taite, hei reira whakahouhia ai te kanohi o te whare pēnihēni.