Tainui's best battle for Te Matatini 2017 qualification

Koinei ta ngā toa a rohe o te wā kōkiri,

"I turuturua haeretia ngā ūpoko ki raro ki ngā rekereke o Taupiri Maunga" tā Paraone Gloyne.

Ko tā Gloyne, "Ko ta mātou whakaeke e pā ana ki tētahi pakanga rongonui i waenganui i a Waikato me kii a Ngāti Mahuta me Ngāti Raukawa."

Hei tā Gloyne, ahakoa pea te āhua mataku a ētahi o te iwi Māori ki ngā whakaari pēnei nā, e mea ana a Paraone Gloyne me kōrero te Māori i ngā pakanga.

"He hitoria katoa ēra he kōrero taketake katoa ēra nā tātou mō tātou na koina i haria mai ai he ūpoko ki runga Kaore pea e kore i ohorere ētahi te kite te ūpoko rā e turuturu ana,” ko tā Gloyne.

Mō ngā uri o Ngāti Apakura, o Ngāti Maniapoto - he aro ki o rātou Patupaiarehe.

Hei tā Rākaihakeke Whauwhau - Te Haona Kaha, "Ki au nei. Ko te mea nui e ako ana o mātou teina a mātou tuakana a mātou whanau otira ngā whanau e noho ana i Aotearoa Ko ngā kōrero o to mātou marae me to mātou iwi ano hoki.

Te whainga nui, ko te whai tūranga e āhei te tū ki Te Matatini.

"Koira te aronga matua kia hoki a whanau mātou Ki tēra paranga o mātou Ki roto Ki Ngāti Kahungunu, Ki Takitimu Waka,” mema o Te Haona kaha.

A, Ko Te Aka Tārere mahi he haka me te hiahia nui ka tau tōna iwi ki te whakaaro kotahi.

Ko tā Kiritahanga Muntz, "Taku tumanako nui ko te whakakotahi i ngā whānau o Ngāti Korokii Kahukura ki te maru kotahi, Koina!"

Hei te whitu karaka a te pō nei ka mutu ngā mahi hakahaka me te tohu ko wai ka toa, ko wai hoki ngā kapa e rima ka haere ki Te Matatini. 

Performances end at 7pm tonight. The winners and five teams qualifying for next year's Te Matatini competition will be announced shortly after.