Taranaki hapū oppose council land sell off

Ko ngā iwi hapū o Taranaki i patu i te huarahi i te rā nei hei tohe raukura atu ki Te Pire Whenua o Waitara a Te Kaunihera ā-rohe o Ngāmotu. He pire tēnei ki te whakaturehia, ka āhei te kaunihera ki te hoko atu i te whenua, heoi ko tā te hau kāinga, he whenua i raupatuhia i te kotahi rau tau, neke atu, ki muri.

Kō atu i te rua rau ngā tāngata i takahi i te ara i te rā nei, he tohe tonu mō te whakahokinga o ō rātou whenua. kua kotahi rau, e rima tekau neke atu ngā tau e pakangahia ana.

E ai ki a Patsy Bodger, no te hapū Manukorihi, “We're not giving up, our stance has always been about getting the land back.”

Hei tā te Kaumatua o Manukorihi a Ramon Te Hanataua, “Me mihi atu ki o rātou nei i roto i te pakanga i roto i mātou nei i tērā wā nō reira ka tāea ana mātou i tēnei rā te tautoko ki te haere ki tēnei kaupapa o ngā matua tupuna.”

E whakahē ana ēnei uri whakaheke nei i te pire Waitara Lands. Mēnā ka whakamana taua pire, tē tāea o rātou whenua te whakahoki atu.

Ko Pekapeka nei te whenua e kōrerotia ana, e ono rau eka te nui i raupatuhia kei te hiahiatia e ngā hapū kia whakahokia. Ko te hiahia kē a te kaunihera, he wete i ngā here ki te whenua hei hoko atu. Engari ka kore he kapa kotahi e tau atu ki te pūkoro Māori.

Hei tā te heamana o Otaraua Hapu a David Doorbar, “This is a showing to ourselves and to our community that this isn't finished it doesn't matter what people say in Wellington it doesn't matter what minister say when they stand in front of TVs this is not finished.”

E ai ki a Leonie Pihama no Te Atiawa, “I tēnei wā kei te hihiko te ngākau me te wairua o ngā hapū kitea au I ngā tagmata o ia hapū e tū maia ana I tēnei wā e tū kaha ana I tēnei wā I runga I to ratou ake karanga kia hoki mai I tēnei whenua tipu o tatou.”

I hua ake ai te pakanga mō ngā whenua i te tau kōtahi mano waru rau ono tekau he whenua raupatu, he takoha te whenua ki ngā mana whakahaere o te wā, nō taua wā kua rīhingia.