Te āwhina a ngā hapori Māori ki ngā pārurenga o Huripari Ian

He kai, he rauemi āwhina kua whakaritea, kia haria ki Tonga mā runga waka puke.

E ai ki te kōrero, he rua mano, toru rau tāngata e noho teneti tonu ana,

Heoi kua tīmata ngā mahi hanga whare, e ai ki te kaitaunaki nei i te Pāti Mana a Te Raukura Amoamo, uri no Te Whakatōhea, Tonga hoki, he mīharo te kite i te tautoko a te marea.   

Te nuinga hoki o ngā kaitautoko me kii, he Māori, he taha hoki tō rātou nō ngā iwi moutere.

I tākohatia he rauemi āwhina e John Minto me tōna tira ki te komiti āwhina o Ha'apai, inapō rā he rōpū kaituao i rau atu ngā rauemi kī ngā puoto waka puke nei he ono te nui me te aha, he rauemi anō e tākohatia ana e te tāngata.

Ko te moutere o Ha'apai i tino tūkinotia, he waru mano tāngata e noho ana ki taua takiwā, e ai ki ngā pūrongo he ono rau mano whare i ukuukutia, he whā rau whare i pakaru.

He ono puoto waka puke kua whakaritea, e toru puoto ka kawea atu ki Tonga hei tēnei Rāhina, hei tērā marama ka tau atu ngā puoto nei ki Tonga, ko ngā puoto nei he mea tākohatia e te kaitākaro Ōpango ō-mua a Michael Jones.