Te mahi tahi a te māma rātou ko ana tamāhine i te kapa Waikato Wizards

Wikitōria Day

Koinei te wā e tū ai ko te whakataetae Poitūkohu Wāhine o Aotearoa ki Tāmaki Makaurau.

Koinei tētahi o ā ngā kēmu uaua rawa o te tauwhāinga nei mō te kapa Waikato Wizards, engari, ahakoa tēnā, i puta whakaihuwaka tonu te tira toki nei.

I ngā tau kua pahure, ko Leanne te kaiako o tō āna tamāhine kapa, hēoi, i rerekē te aro i tēnei rangi, inā rā, i noho kē ko tēnei māmā hei hoatākaro mō rāua.

Hei tā tana tamāhine, tā Krystal Leger-Walker, "He rerekē, he kaha ake tōna reo i te mea he tata rawa ia, he āhuatanga tino mīharo."

Heoi, hei tā te pōtiki, tā Charlisse, he āhuatanga tino pai te tākaro me ngā whanaunga.

Ehara noa iho a Krystal i te kaitākaro mā tōna kapa o Waikato nei, hēoi, kua whai tūranga hoki ia ki te kapa o Aotearoa, arā, te kapa Junior Tall Ferns.

Hei ngā tau kei mua i te aroaro, e kaikā ana a Krystal kia haere ki te Kāreti i Amerika kia mutu rāno te kura i Aotearoa nei, he pērā hoki ngā wawata o tōna teina.

He nui ngā āwhero o ngā kaitākaro poitūkohu kei tō rāua reanga, ā, e mōhio pū ana rāua he aha ngā tōmina kei te pae tata e tau nei, me whakahīhī tō rāua māmā ka tika!