Te poroporoāki whakamutunga ki a Haare Te Nuku Rātana

Ko te tū ngārahu me ngā hōnore nui o Ngāti Tūmatauenga i ūhia ki runga i te hoia whakamutunga o te Rōpu Māori Rua Tekau Mā Waru nō roto i a Tūhoe, i poroporoākitia i Owhakatoro Marae, i Rūātoki i tēnei rā.

E iwa tekau mā whā tau te pakeke o Haare Te Nuku Ratana, ka whakaokiokitia ki te rua kōiwi o ōna mātua tīpuna. 

Hei tā Noel Raihania, “Koinei tētahi tino koroua te hūmarie kāre nei ehara nei ānga kōrero ana aha kia tae ki ngā wā whakangahau, heoi anō pātai te koroua nei, e hara mai te purei i tatau piano, kāre e werowero atu ka tū mai te purei i ta mātou piano he rawe ia mo te purei piano.”

Heoi, i pouri rā te waiata i tēnei rā mo tētahi o ana hoa mo Robert Gillies, te hoia whakamutunga o Kamupene B.

Hei tā Gillies, “Kua tino mokemoke whakaaro nei mo rātou te nui hoki i hoki mai tae mai ki tēnei wā kua tino iti, iti noa iho, e iwa noaiho mātou e toe ana i Aotearoa.”

Mo te mokopuna a Harry, a Donte Kelly i hiahia ia ki te whai i ngā tapuwae o tōna Koroua, kei te Tauaarangi o Aotearoa, hei tāna kīhae tōna koroua i hiahia kia uru ana mokopuna ki te ope taua o Tūmatauenga. 

Hei tā Kelly, “E tuku mai i ngā rā e kore mahi i ngā mahi a tū, hara mai ki te kainga ki te akoako i tōku pāpā, tōku koroua i ngā mahi, he aha, i roto i te pāmu.”

Haare Te Nuku Ratana koia tētahi o ngā hoia tekau mā waru o Ngāi Tūhoe i hoki mai i te pakanga tuarua o te ao.  Kua mahue mai ana tamariki, mokopuna, mokopuna tuarua hoki, ko te rua kōiwi o Te Tawa Kaiti ko tōna takotoranga whakamutunga.