Te Taiopenga Tangata Rau ki Rangitāne - Kairanga

Kairanga

I te tau 1998 whakarewaina ai ko Te Kapa Haka o Kairanga kia wātea ai ōna kaihaka ki te whakangāhau i te taiopenga ahurea tuatahi o Ngāti Tūmatauenga i tū ki Waiouru i te tau 1999. Hēoi, i ahu mai rā te ingoa nei, a “Kairanga” hei ingoa mō tēnei kapa i runga tonu i te hiranga o te wāhi whakangūngū ā rātou, a Linton me tōna hono anō hoki rā ki te mana whenua, a Ngāti Hineaute.

I te tau rua mano mā ono tū ai a Kairanga ki te papa whakatū waewae mō tōna wā tuatahi i te whakataetae kapa haka ā-rohe o Te Mata Waiora i Te Pāpāioea.  Ka mutu, i whai hua te kapa nei i tērā putanga ā-kapa nei, i runga i te tūpono, i whai wāhi atu ai rātou te tū i raro i te wairua whakataetae mō te wā tuatahi.

I tēnei rā, he rangitāmirotanga te kapa nei i ngā hōia o Linton Army Camp me Ohakea Air Base.  Ko ōna kaihaka hoki ko ngā whānau katoa o ēnei kainga, ā, ko te katoa o rātou he hononga ki tētahi hōia i pakangahia ki te mura o te kapura i roto i ngā tau.

He whakaahuatanga te waiata nei, mā roto mai i ngā whakaaro Māori, e kōrero ana ki tērā te rangikanetanga ka rangona e te tangata i te matenga o tētahi ka tahi, ka rua e akiaki ana i te tangata e pokea ana ki te puta i tōna pōuri ki te ao mārama.

Ko ngā pouako o Kairanga ko Pita Savage, rātou ko Mark Te Hau, ko Nigo Maruera, ā, ko Pita Savage tonu te kaitātaki tāne, ka mutu, ko Kelsi Te Peeti te kaitātaki wāhine.