Te utu o te mīraka i te rā nei

I te utu mō te miraka e kawa hāere ana, e ngākau rorotū ana te toihau o Parininihi ki Waitōtara, te kaiwhāngai mīraka nui rawa atu ki a Fonterra i Taranaki.

Tūturu i tērā tau i eke te utu mō te mīraka ki te waru taara whā tekau hēneti ia kirokaramu, e toru miriona kirokaramu o te hua mīraka i hokona atu e Parininihi ki Waitōtara.

Heoi, ko te matapae o te wā ka heke tēnā ki te ono taara.

Te take, ko te hiakore o tāwāhi ki te hoko.   

E ai ki te Rōpū Reipa, he tohu te mōrearea o taua ahumahi me kaua te kāwanatanga e whakawhirinaki marika ki a ia. 

Heoi, karekau ngā tātā i oti i reira mō Nāhinara.

E ai ki a Doug Leeder, kaiwhakawā matua ō-mua mō te whakataetae Ahuwhenua Māori, kua kaha pēhi te kāwanatanga i te ahumahi kia piki ake ai ōna hua, engari me whai whakaaro ki te pikinga para ka ahu mai i tēnā. 

Nō reira i te utu o te mīraka e kawa haere ana, te āhua nei kei te kawa haere hoki ētahi ki te aro o te kāwanatanga.