Te wāhi okioki o Hera Te Upokoiri

I karapotia te wāhi okioki e ngā uri whakaheke o Hera Te Upokoiri, i wheturangitia i tōna tau ono tekau mā toru, a, e takato ana ia i tēnei wā i waenganui i te māra waina o Te Tua i Ngatarawa.

I mahi ngātahi te whānau Hunia rātou ko Ngāti Apa, Te Pouhere Taonga me te kaihautu o te māra waina hoki, ki te whakahōu i tana kohatu. He tohu tērā o tōna rangatiratanga me tōna whakapapa mananui hoki.

I takoha atu he kahukiwi me tētahi taiaha ki ōna mātua i a rāua e mārena ana neke atu i te kotahi rau rima tekau ngā tau ki muri, a, i heria mai ēnei taonga hei whakamana, hei whakaniko i tēnei hui motuhake.

I tāngia hoki tōna āhua e Gottfried Lindauer i te tau kotahi mano waru rau, waru tekau mā whā. Ka mutu, mā te kohatu hōu nei, hei whakamaumaharatanga mo tōna mana me tana mahi whakahirahira i te hitori o te ao Māori.