Te Whakataetae Kapa Haka ā-Rohe o Waitaha - Te Iti o Tahuna

Wikitōria Day

Nō te taone o Tahuna, ko ngā kaihaka o te rōpū Te Iti o Tahuna he tauira ō-mua o te Haikura o Wakatipu.

I te mea kua oroko mai tēnei kapa i ngā marama tata nei, ko tēnei tō rātou tū tuatahi ki te Whakataetae ā-Rohe i Waitaha.

Koinei hoki te wā tuatahi mō te nuinga o te kapa ki te eke i tēnei tūmomo atamira, heoi kua waia haere ētahi mema ki ngā mahi kapa haka pēnei.

Ko ngā waiata e hāngai ana ki ngā kaupapa e ū ana ki te ngākau.

Nā tō rātou tauhou ki te whakataetae nei, ko te whakataki ki ngā mahi a Hinerēhia me Tānerore te ia o tō rātou whakaeke.

He waiata ā-ringa motuhake hoki tā rātou hei whakamaumahara i tētahi kōhine i toromi i te Roto o Wakatipu i tērā tau.  He wawata tō te whaea o te kōtiro rā kia titoa e te kapa tētahi waiata hei poroporoāki mutunga mōna.

Ko te ngako o tēnei waiata e kōrero ana mō te ngarohanga moata o tētahi tangata.

Ko ngā kaiako o te rōpū, ko Jahmaine Cummings-Hodge rāua ko Mahia Brown.  Hei tā rāua, "E hiahia ana mātou ki te haere ki Te Matatini, heoi, ki te kore, he painga anō te tū ki tēnei whakataetae mō o mātou kaihaka katoa."

Hei tā Mahia anō, he oranga anō tēnei hui mō ngā kaihaka, ka kitea e rātou ngā mahi a te Māori, he āhuatanga tē kitea ki roto o Tahuna.

Ko ngā kaitātaki o te kapa Te Tuhi Purakau rāua ko Elizabeth Davis.

Anei te whakaeke, Te Iti o Tahuna, nā ngā kaiako o te kapa i tito.