Te whakataetae kapa haka o Tainui- Horopounamu

Ko te kapa hōu nei a Horopounamu te kapa i tū tuawhitu mai i te rangi nei.

i whakarewahia tuatahitia a Horopounamu i te tau 2013. Ko ngā kaihaka nō ngā marae, hapū huhua o te rohe o Waikato.

Ko tō rātau whāinga matua, kia whakanuia te ekenga ki te kotahi rau rima tekau tau mai i te pakanga o Rangiriri.

Ka whakamānawahia e Horopounamu ērā i hinga i te pakanga. He manako hoki tō rātau kia whakaakona ā rātau tamariki ki ngā mahi whakaheke tōtā a ō rātau tūpuna i mate i te pakanga o Rangiriri, otirā he whakamaumahara i ā rātau tamariki ki ngā painga i puta ake ki te iwi.

Ko ō rātau kākahu kē tērā i pīataata mai i te atamira i tēnei rangi. Anei tā rātau whakaeke.