Te whakataetae Waka Ama Vaka Eiva - ngā rēhi W6

Rahia Timutimu

Ki te whakataetae Vaka Eiva ki te motu o Rarotonga, kua eke rā te rangi tuarua o ngā rēhi, me te rangi tuatahi ia o ngā rēhi mō ngā kapa takiono.

Ko ngā reanga Masters, Senior master hoki i hoe tuatahi, i waenga i nga kaihoe nei ko etahi no Aotearoa.

Nō Te Whanganui a Tara a Ipukarea, i kakari ki ngā aumoana o Rarotonga.

I te hokinga mai o nga kapa no Aotearoa, tērā tētahi kanohi Māori i kitea ake i waenga i tētahi tira Kuki Airini.  I tae tuatoru mai te kapa a Sharon Hawke, ā, whiwhi metara ai te kaihoe nō Ngāti Whātua me tana tira rarotonga.

Ki te reanga rangatahi, he karapu hou a Tu Tangi Ora, nō Hellensville.  E toru ā rātou kapa kei konei, ko tētahi he kapa kōtiro, tekau mā iwa tau heke iho te pakeke.

I tutuki tā rātou whai i te rēhi ono kiromita, hei whakamātautau pai mā te kapa kua kotahi noaiho nei ō rātou whakaharatau.