Te whakatūwheratanga o te whakaaturanga 'Ko Rongowhakaata'

Kua whakarauika atu ngā uri o Rongowhakaata ki Te Papa Tongarewa i te rā nei, ki te whakamana i te whakatūwheratanga o te whakaaturanga "Ko Rongowhakaata".

Ko te matū o te whakaaturanga nei ko te whare whakairo o Te Hau ki Tūranga. He kotahi rau whitu tekau mā rima tau tōna pakeke, ā, na Raharuhi Rukupō i hangaia.

Tuia ki tēra, ka tāea e te marea te kite i ngā taonga maha, te mahi toi me ngā kōrero hītori o ngā uri o Rongowhakaata.

Kei a Ani Oriwia Adds te roanga ake ki runga i a Te Kāea hei te pō nei.