Team NZ investment should not be a priority for Govt - Marama Davidson

Taroi Black

E ai ki mema o te Rōpu Kākāriki, ki a Marama Davidson ko tā te kāwanatanga whakatō i te rima miriona tāra ki a Tīma Niu Tīreni, he moumou pūtea ā, me whakapau kē ki ngā kaupapa pēnei i ngā whare pāpori. E ai ki te kāwanatanga, he wāhanga o te pūtea ka pau kia mau tonu ki ngā kaimahi i eke tangaroa ki Bermuda.

Hei tā te mema mo te Rōpū Kākariki tā Marama Davidson, kei te hē te aronga a te Kāwanatanga mo te whakapau i te rima miriona tāra ki a Team NZ.  

“Ae, he pai ki te tautoko i te āo hākinakina engari i tēnei wā me tuku i tēra pūtea mā ngā kaupapa whakaora whānau i tēnei wā, inaianei.”

Engari ko te kii a te kāwanatanga he rautaki tēnei ki te pupuri i ngā mema i toa i ngā taumāhekeheke i Bermuda.

“I tēnei wā ka noho mamae ngā whānau i tēnei wā. Kei hea te pūtea? Kei hea ngā hua mo tēra pūtea? I tēnei wā, kao.”

Ko te kii a te Minita mo ngā take Tahua a Simon Bridges, e kore rawa te kāwanatanga e whakapau noa i ētahi atu pūtea ki a Team NZ. Heoi ano, hei ki tāna me whai putea tautoko rātou ki wāhi kē atu.