Tekau mā rua ngā rangatahi ka haere tahi me Moko Foundation ki te Āporo Nui

He tekau mā rua katoa ngā rangatahi kua tīpakohia kia haere ki tō Tākuta Lance O'Sullivan taha ki te hui United Nations ki New York hei tērā marama. 

Tōna tikanga, tokorua anake ngā rangatahi ka kōwhiria, engari nā te nui o te hunga i tuku i ā rātau tono ataata i puta ai te whakatau kia whakawhānuihia ai tērā nama.

E hiamo ana a O'Sullivan i te kōunga o ngā kōrero a te hunga mātātahi, me ō rātau ngākau titikaha ki te kaupapa.