Ko te īnoi a te māmā o te tangata nānā ngā mahi whakatumatuma i Onepu, i waho ake o Kawerau, kia whai ngā pirihimana i ngā tikanga Māori i te wā ka aro rātou ki te Māori.
He tohe roa i tutuki i runga i te rongomau.
Hei tā Te Araroa Wetini (Ngāti Awa) tona māmā “Tino harikoa mātou, te whānau katoa, kua tae mai ki te awhi i a mātou, te nuinga, te rahi me te maha o tātau. Ngā whānau o Onepu, Te Teko, Kawerau, Whakatāne, mīharo rawa atu te tautoko i a mātou, engari i te mutunga tino pai te mea whakamutunga. Kua hoki mai a ia ki te ao, ana tino mārama tana whakaaro me tana mahi inanahi rā, kāre i te tino pai.”
Ko te tā whānau, e koa ana rātou kua pēnei ngā whakaritenga engari he kaupapa i tutuki na te taenga mai o tētahi kanohi Māori mai i ngā pirihimana ki te awhina i a rātou.
“Kei te tino pai te mahi ngātahi ki te taha o ngā pirihimana, ngā māngai o ngā tari pirihimana, ā, Warwick Morehu, tino pai taua tangata ki te awhina i a mātou, ana kei te tino harikoa inaianei.” Hei tā Te Araroa
Mo Warwick Morehu, Tumu Pirihmana o te Takiwā o Taupō ko tētahi wāhanga nui ko te mahi tahi me te whānau. Ka mutu ehara ia i te tuahangata.
E ai ki te Pirihimana a Warwick Morehu, “Good Communication with the family was key and certainly some higher level of communication with our iwi leaders from Mātaatua across Te Arawa as well, to keep our people in the picture and give them some oversight and comfort and to let them know we were trying to do the right thing by everybody here."
E whā ngā hāmene kua utaina ki runga i te kaiwhakatuma. Ko tētahi mo te pupuhi pū ki te pirihimana. Tokowhā ngā pirihimana i pūhia, tokorua rāua kei te hōhipera tonu.
Hei tā Mike Bush te Kaikōmihana Pirihimana, “I'm really thankful they were wearing the right equipment cause this could of turned out differently but due to their professionalism and training I don't think it could of turned out any better than it did.”
Rua tekau mā whitu te pakeke o te tangata i tū ki roto i te Kōti ā-Rohe o Whakatāne mō tēnei kaupapa. He hāmene anō pea ka whai mai.
A 27-year-old appeared in the Whakatāne District Court this afternoon regarding this incident.
Police cannot rule out the possibility that further charges will be laid in due course.