Tokorima ngā kaihaupoi Māori kua whakaingoatia ki te tira Blacksticks mō te Tauwhāinga Hoa Whenua

NZ Black Sticks Women's Hockey team

Tokorima ngā uri Māori e whai wāhi ana ki te kapa hōki wāhine o Aotearoa e haere atu ana ki ngā taumāhekeheke hoa whenua hei tērā marama.

Ko Rhiannon Dennison nō Tainui, ko Jordan Grant nō Ngāti Tūwharetoa rātou ko Gemma Flynn, ko Katie Glynn, ko te tautōhito o te kapa ko Kayla Whitelock ērā kua whakaingoatia ake ki te kapa Rākau Pango wāhine.

Katahi te tau miharo ko tēnei mā Rihannon Dennison, i tāna tākaro i Ipu Haupoi o te ao, katahi ko tāna haere ki ngā taumāhekeheke hoa whenua o te ao.

Neke atu i te tekau tau a Kayla e whakapeto ngoi ana i tēnei kapa, ko tana tamāhekeheke hoa whenua tuatoru tēnei, ā, ahakoa i pai tā rātou mētara hiriwa i Dehli e wha tau ki muri, ko te mētara koura kē te whāinga i tēnei tau.

Ahakoa te otinga matekiri tuarima i te īpu o te ao, e rangitahi ana ngā whakaaro o te kaiārai nei ki ō tana kāpene, arā, ko te mētara koura hei kapo noa mā rātou.

Tapatapahi ana ngā kākāhu hōu, ā, ki te tapatapahi hoki te karawhiu, kāhore e kore ko te koura hei kinaki atu.