Tokorima ngā whare hōu mo ngā whānau o Te Patutātahi

Ka taea e ngā whānau hia kainga inaia tonu nei i Patuharakeke te whiwhi kainga ma te kaupapa whare māori o tēnei kāwanatanga a Papakainga. E ai ki te mema pāremata o mua a Te Ururoa Flavell nā te kāwanatanga o mua kē tēnei kaupapa i whakatū.

Kua wātea mai ēnei whare e rima ki runga i ngā whenua Māori hei whakaruruhau mo ngā whānau i pākinotia mai i ngā waipuke ki Te Patutātahi o te tau ka huri. Ki tā Te Ururoa Flavell “me māia te kāwanatanga te tautoko i ēnei o ngā Marae hapū te whai i tēnei o ngā tauira”.

Kei raro ēnei whare i te poari Papakainga o Kōkōhinau. E rua ira whitu miriona tāra te utu na ngā pūtea kāwanatanga. Mo te Minita Whakawhanake Māori a Nanaia Mahuta, “mōhio pai au na te kāwanatanga ō mua i timata i tēnei kaupapa ki raro o te parirau o Te Ururoa mōku ake me whakamutua ta rātou tino hiahia kia whakatū te tekau o ngā whare kei runga i te papa”. Ki tā Flavell anō me tautoko te kāwanatanga inaianei i ngā Marae, hapū e hiahia ki te whakatū whare “āe, he raruraru mo te pūtea engari ka kore tāea, ā, ka tāea te whakatikatika i ērā raruraru”.

Ka uru te tuatahi o ngā whānau ki roto nei hei roto i ngā wiki e rua kei mua i a tātau.