Tokorua ngā tāngata kua mauheretia whai muri te matenga o tētahi tangata

He tokorua e noho mauhere ana whai muri i te matenga o tētahi tangata i te tonga o Tāmaki, ā, i tū rāua ki mua i te aroaro o te kōti i te rā nei. 

E toru tekau mā ono ngā tau o Robert Timothy Rapana kua ūhia ki te whakapae mō te kōhuru me te takakino i te tangata kia tino tūkinotia ā-tinana. 

E toru tekau mā ono hoki ngā tau o Mary Tiri Togiaono kua whakapaetia mō te āwhina i muri iho i te wharanga me te kōhurutanga.

I okaina a Chevy Midas Davis, e rua tekau mā whā ōna tau, i ngā whakanuitanga mō te huritau rua tekau mā tahi o tana whanaunga i Otara, ka pakaru mai te whawhai. 

He maripi i tīkina atu e ngā pirihimana i tētahi kāinga i Otara, ā kaare anō tētahi atu e kimihia ana mō te take nei. Hei te Hui Tanguru, tū anō ai a Rāpana rāua ko Togiaono ki te Kōti Teitei ki Tāmaki.