Turakina

Heta Gardiner

E hāhā ana te tirohanga atu o te Kura Kōhine Māori o Turakina i muri mai i te whakatau a te Minita Take Mātaurangai te rā nei, kaore anō ngā raru nui i te kura kia rongoātia.

Ko tā Hekia Parata i tēnei wā, kia kapi te kura, ā, e rua noa ngā wiki e wātea ana ki te poari hei huripoki i ōna whakaaro.

Hei tā Hekia Parata, “Ko taku whakatau mō tēnei wā, me kati te kura.”

Koia rā te whakaputanga patu wairua a te minita mātauranga i te rā nei ki te Kura Kōhine Māori o Turakina. Hei tāna, he painga i kitea i ngā kōrero tautoko, ēngari kotahi anake te āheinga e huaki tonu ai te kura.

Kāore anō kia taka te toki, ēngari kei te rere te wā. Hei te marama e tū mai nei, ka mohiotia te whakatau whakamutunga. Kua roa e raru ana te kura i te pūtea me te toko iti o ngā ākonga, mai nga tau tekau mā toru kua pahemo

Hei tā Parata, “Kei te kōrero mātau mō ngā rua wiki kei mua i te aroaro, ēngari kua roa te kōrero mō tēnei kaupapa, he toru tau kua pahure ake nei.”

Ahakoa ana kōrero mārō, hei tā te minita, kaore anō tau. He tāna Hekia, “Kāore te whakatau i tēnei wā. kaore rawa atu.”

Engari he uaua pea ka kitea he āheinga ki te huri mārika i ngā whakaaro o te minita.