Whakapōtaetanga whakahirahira mō te mahi rangahau Māori i Te Whare Wānanga o Otākou

Piripi Taylor

Ko Chanel Phillips (Ngāti Hine) te tauira tuatahi nō Te Koronga, te rōpū rangahau Māori o Te Whare Wānanga o Otākou, ki te eke ki te tohu kairangi.

I Te Heika Pounamu, te tuatahi o ngā whakapōtaetanga Māori tōmua a Te Whare Wānanga i te rā nei, ka tohua ia ki te taumata teitei o ngā tohu kairangi i roto i te ao pūtaiao.

E ai ki te Kaiwhakahaere Takirua o Te Koronga, ki a Tākuta Anne-Marie Jackson, "E whakatauira ana ia i te hiranga o te rangahau Māori nā āna mahi mātauranga, otirā nōna anō hei tangata. E whakaū ana ia i ngā wawata o te hapori ki te rito o tana rangahau, he kanohi kitea hoki i āna mahi katoa.

“He kohā tana rangahau ki ngā whakaaro me te whakatinanatanga o te mahi haumaru Māori i te wai, ā, kua hikina e ngā hunga hapori me ētahi whakarerekētanga i ngā hātepe ture ā-motu. Nōna tētahi whakatakotoranga kaha nā te tautoko a tōna whānau, ā, ka taea e ea te whakatere ngā uauatanga o te ao mātauranga. He roa, he momoho tāna huarahi mahi i mua i a ia.”

E ao anō ki a Tākuta Jackson, "E mahi tonu ana mātou ki te hāpai i ētahi tūranga rangahau mō ngā kairangahau Māori, ā, kia tautoko i ngā tauira ki te whai tonu i wā rātou tino kaupapa. Heoi anō, he nui ngā take i roto i te ao pūtaiao, ā i roto i te ao rangahau ki Aotearoa e pā ana ki te take o ngā kairangahau Māori me te ahurea o te ao rangahau. Me āta whakaaro tātou, ka pēhea tātou e akiaki, e tautoko i ngā hautipua, nā rātou i kaha pirangi ki te noho tonu i Aotearoa mahi ai ki te taha o ngā hapori Māori me ngā take nō kōnei."

Tokorima katoa ngā tauira i whakapōtaehia ki ngā tohu paerunga nō Te Koronga i te rā nei. Katoa rātou e rangahau ana i ngā kaupapa Māori, e ai ki te aronga Māori mō te rangahau. 

Chanel Phillips (Ngāti Hine), Doctor of Philosophy, A Journey to Belonging: Explorations of Māori Perspectives of Water Safety. Funded by Health Research Council.

Terina Raureti (Ngāti Raukawa), Master of Physical Education, Kia mārama ai te ihi, te wehi o Mukukai: The influence of swimming on whānau engagement with water.

Nikki Timu (Ngāti Ranginui, Ngāti Kahungunu), Master of Physical Education, Māori perspectives on the use of haka within New Zealand sport.

Ben Hanara (Ngāti Kahungunu), Postgraduate Diploma of Physical Education, Mā te tai o Tangaroa, Mā te mauri o te wai. Tangaroa: Atua of human movement

Shane Witehira (Ngāpuhi, Ngāti Kahu), Bachelor of Physical Education (Hons), Mā te Whakapapa ka ora ngā Tauira Māori